ស្ត្រីម្នាក់ឆ្លងទន្លេលើចិញ្ចើមផ្លូវ ខណៈឈឺពោះពេលធ្វើដំណើរទៅពេទ្យ
19-July-2016 | ដោយ មែន កំសត់
រតនគិរី ៖ស្ត្រីគ្រួសារក្រីក្រម្នាក់ឆ្លងទន្លេលើចិញ្ចើមផ្លូវក៏ជួប ក្រុមគ្រូពេទ្យចិត្តធម៌ ខណៈពេលឈឺពោះធ្វើដំណើរទៅមន្ទីរពេទ្យ។ ហេតុការណ៏នេះ បានកើតឡើងស្ថិតនៅក្នុងភូមិភ្នំស្វាយសង្កាត់បឹងកន្សែងក្រុងបានលុង កាលពីរសៀលថ្ងៃទី១៨ខែកក្កដាឆ្នាំ២០១៦។
បន្ទាប់ពីទទូលព័ត៌មានពីប្រជាពលរដ្ឋនោះមកក្រុមគ្រូពេទ្យ មន្ទីរពេទ្យបង្អែកខេត្តរតនគិរី បានចុះជួយអន្តរាគមន៌សង្គ្រោះ ឲ្យរួចផុតគ្រោះថ្នាក់ទាំងកូននិងម្តាយដែលបានសម្រាលកូននៅលើ ចិញ្ចើមផ្លូវខណៈស្ត្រីនោះពេលឈឺពោះធ្វើដំណើរទៅមន្ទីរពេទ្យតែទៅ មិនទាន់ដល់។ មន្ត្រីនគរបាលមូលដ្ឋានបានប្រាប់ឲ្យដឹងថា ស្ត្រីខាងលើមានឈ្មោះឈុំ សំអាត អាយុ៣៧ឆ្នាំ និងប្តីមិនស្គាល់អត្តសញាណជាគ្រួសារ ក្រីក្រ គួរឲ្យអាណិត។
លោកវេជ្ជបណ្ឌិតហ៊ីងផានសគន្ធានាយកមន្ទីរពេទ្យបង្អែកខេត្តរតនគិរី បានប្រាប់ឲ្យដឹងថាស្ត្រីខាងលើផុតគ្រោះថ្នាក់ហើយដោយក្រុមគ្រូពេទ្យ យកចិត្តដាក់មើលថែរក្សាដោយមិនគិតកម្រៃសេវាអ្វីនោះឡើយ។លោកបន្ត ឲ្យដឹងទៀតថាពេលនេះស្ត្រីរូបនោះកំពុងដេកសម្រាកក្នុងមន្ទីរពេទ្យ ក្រោមការមើលថែទាំយ៉ាងយកចិត្តទុកដាក់បំផុតពីក្រុមគ្រូពេទ្យ៕
ចំនួនអ្នកទស្សនា
- ថ្ងៃនេះ3201
- ម្សិលមិញ5181
- សប្តាហ៍នេះ25961
- ខែនេះ8391
- ឆ្នាំនេះ251631
- សរុប20694087