សម្តេចវិបុលសេនាភក្តី សាយ ឈុំ ជួបសំណេះសំណាល ជាមួយលោកគ្រូភ្លេងបុរាណ និងភ្លេងប្រពៃណី
05-August-2016 | ដោយ មែន កំសត់
ភ្នំពេញ៖នាព្រឹកថ្ងៃទី០៥ ខែសីហា ឆ្នាំ២០១៦ ក្នុងឱកាសជួប ជាមួយលោកគ្រូ មាស សាឯម, លោកគ្រូ សក បូរ៉ា, លោកគ្រូ ម៉ម ស៊ីម៉ឺន និងលោកគ្រូ ញេប សាត ដែលជាគ្រូភ្លេងបុរាណ និងភ្លេងប្រពៃណី និងជាអ្នកនិពន្ធបទភ្លេង ទំនុងច្រៀងបុរាណ-ប្រពៃណី ហើយដែលបច្ចុប្បន្ននេះលោកគ្រូៗបានចូលនិវត្តន៍ពីការងារជាមន្ត្រីរាជការទាំងអស់គ្នាហើយ តែនៅបន្តបង្ហាត់បង្រៀន និងដឹកនាំក្រុមភ្លេងជាបន្តនៅទ្បើយ សម្តេចវិបុលសេនាភក្តី សាយ ឈុំ បានសំណេះសំណាល សួរសុខទុក្ខ ពីស្ថានភាពជីវភាពរស់នៅប្រចាំថ្ងៃ របស់ពួកលោក ជាពិសេសក្រោយពេលដែលលោកបានចូលនិវត្តន៍ ពីការងារជាមន្ត្រីរាជការ។
នៅក្នុងឱកាសនោះសម្តេចភក្តី បានលើកសរសើរអំពី ស្នាដៃ និងការខិតខំរបស់លោកគ្រូៗទាំងអស់ ដែលកន្លងមកបានស្រាវជ្រាវ រក្សាការពារ រាល់កេរ្តិ៍តំណែលសិល្បៈ តន្ត្រីទាំងផ្នែកបុរាណ ផ្នែកប្រពៃណី ព្រមទាំងបានយកចិត្តទុកដាក់បណ្តុះបណ្តាលដល់ក្មេងៗជំនាន់ក្រោយ ឲ្យបានចេះដឹង និងបន្តរក្សាកេរ្តិ៍ តំណែលទាំងអស់នោះបានគង់វង្សល្អ រហូតដល់សព្វថ្ងៃ។
សម្តេច បានសំណូមពរដល់លោកគ្រូៗ ទាំងអស់សូមបន្តស្រាវជ្រាវ ចងក្រងអំពីប្រវត្តិ បទភ្លេង និងទំរង់ផ្សេងៗនៃសិល្បៈតន្ត្រី ទាំងបុរាណទាំងប្រពៃណី ដែលពួកគាត់បានចេះចាំកន្លងមកនោះ ដើម្បីទុកជាឯកសារស្រាវជ្រាវរៀនសូត្រ ដល់អ្នកជំនាន់ក្រោយ . ។ ចំពោះការចំណាយចងក្រងសៀវភៅឯកសារទាំងនេះ សម្តេចភក្តី ជាអ្នកស្វែងរកជំនួយឧបត្ថម្ភ ៕
ចំនួនអ្នកទស្សនា
- ថ្ងៃនេះ3371
- ម្សិលមិញ4911
- សប្តាហ៍នេះ20941
- ខែនេះ3371
- ឆ្នាំនេះ246611
- សរុប20689067