ឯកឧត្តម លី ឆេង៖ បង្កើតកម្មវិធី ប្រកួតប្រជែង សំណេរភាសាខ្មែរ ក្នុងគោលបំណង ពង្រឹងគុណភាពអប់រំ ផ្នែកចំណេះដឹងទូទៅឲ្យកាន់តែប្រសើរ
08-July-2017 | ដោយ ពល បញ្ញា
ភ្នំពេញ៖ ឯកឧត្តម លី ឆេងង អគ្គនាយក ប៊ែលធី គ្រុប និងជាសាកលវិទ្យាធិការ សាកលវិទ្យាល័យ ប៊ែលធី អន្តរជាតិបានថ្លែង៖<<បង្កើតកម្មវិធី ប្រកួតប្រជែង សំណេរភាសាខ្មែរ ក្នុងគោលបំណង ពង្រឹងគុណភាពអប់រំ ផ្នែកចំណេះដឹងទូទៅឲ្យកាន់តែប្រសើរ >> ទាំងការសរសេរ ការគិតឲ្យមានភាពរហ័សរហួន និងផ្ដល់ឪកាសដល់សិស្ស ដើម្បីបង្ហាញនូវសមត្ថភាព និងស្វែងរកអ្នកដែលពូកែបំផុត ឆ្លាតវៃ ឲ្យស្របតាមបាវចនាប៊ែលធី “គុណភាព ប្រសិទ្ធភាព ឧត្ដមភាព សីលធម៌ គុណធម៌”។
ការថ្លែងបែបនេះនាពេលដែល ឯឧត្តម និង លោក ជំទាវ អញ្ជើញជាអធិបតីភាពក្នុងកម្មវិធី ប្រកួតប្រជែងសំណេរភាសាខ្មែរលើកទី១ ដែលរៀបចំឡើងដោយ សាលា ប៊ែលធី អន្តរជាតិដែលមានបេក្ខជន ចំនួន៤៨នាក់ មកពី១៦សាខា និងមានអ្នកចូលរួម ៨០៤នាក់ កាលពីព្រឹកថ្ងៃទី០៧ ខែកក្កដា ឆ្នាំ២០១៧កន្លងទៅនេះ។
ឯកឧត្តម ក៏បានផ្ដាំផ្ញើដល់ក្មួយៗទាំងអស់ ត្រូវខិតខំរៀនសូត្រ ដើម្បីបង្កើនចំណេះដឹងរបស់ខ្លួន ហើយនៅពេលបញ្ចប់ថ្នាក់ទី១២ ត្រូវមានសមត្ថភាពគ្រប់គ្រាន់ ទាំងផ្នែកចំណេះដឹងទូទៅ និងភាសា និងអាចបន្តការសិក្សាថ្នាក់មហាវិទ្យាល័យនានា នៅក្នុងប្រទេស និង ក្រៅប្រទេស ដើម្បីចូលរួមប្រកួតប្រជែងក្នុងទីផ្សារការងារជាតិ និងអន្តរជាតិ និងដើម្បីក្លាយទៅជាថ្នាក់ដឹកនាំល្អ និងជាទំពាំងស្នងឬស្សីដ៏ល្អក្នុងការអភិវឌ្ឍប្រទេសជាតិទៅថ្ងៃអនាគត ហើយក៏បានប្រគល់មេដាយមាស មេដាយប្រាក់ មេដាយសំរិទ្ធ និងរង្វាន់លោកទឹកចិត្ត ជូនដល់សិស្សជ័យលាភី ថ្នាក់ទី៤ ទី៧ និងទី១០ ចំនួន ០៩នាក់ ។
គូសបញ្ជាក់ផងដែរថា៖ ចំពោះបេក្ខជនជ័យលាភីលេខ១ ដល់លេខ៣ នៃថ្នាក់ទី៤ ទី៧ និងទី១០ ត្រូវបានទៅទស្សនា នៅប្រាសាទ អង្គរវត្ត ៣ថ្ងៃ ២យប់។ ចំណែកលោកគ្រូ អ្នកគ្រូ ដែលមានសិស្សជាប់ជ័យលាភី ក៏ត្រូវទទួលរង្វាន់ទឹកប្រាក់ ៥០% និងលិខិតសរសើរផងដែរ។
ចំនួនអ្នកទស្សនា
- ថ្ងៃនេះ1171
- ម្សិលមិញ4731
- សប្តាហ៍នេះ23501
- ខែនេះ218101
- ឆ្នាំនេះ218101
- សរុប20660557