អភិបាលរាជធានីក្រើនរំលឹកដដែលៗបញ្ហាទូរស័ព្ទ និងប៉ុសិ៍្តរដ្ឋបាលប្រចាំការ
12-August-2017 | ដោយ ពល បញ្ញា
ភ្នំពេញ ៖ មានប្រសាសន៍ធ្ងន់ៗទៅកាន់លោកអភិបាលខណ្ឌទាំង១២ នៅក្នុងឱកាសអញ្ជើញជាអធិបតីភាពពិធីប្រកាសចូលកាន់តំណែងអភិបាលរងខណ្ឌដង្កោ នារសៀលថ្ងៃទី១១ ខែសីហា ឆ្នាំ២០១៧ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានក្រើនរំលឹកជាដដែលៗចំពោះបញ្ហាលេខទូរស័ព្ទ ដែលបងប្អូនប្រជាពលរដ្ឋតេចូលហើយមិនលើកទទួល ហើយទាល់តែលេខទូរស័ព្ទនោះល្អបានទទួល ។
ត្រង់នេះឯកឧត្តម ឃួង ស្រេង បញ្ជាឲ្យដាច់ស្រេចថា សូមអស់លោកអភិបាលខណ្ឌទាំងអស់ត្រូវប្រុងប្រយ័ត្នបញ្ហានេះ ព្រោះថាអស់លោកជាខ្ញុំបំរើរាស្ត្រ យើងមិនមែនជាចៅហ្វាយរាស្ត្រនោះទេ ។ ដូចក្នុងជំនាន់អាណានិគមបារាំង ដែលកាលណោះគេចាត់ទុកមន្ត្រីជាចៅហ្វាយរបស់រាស្ត្រ។ ក្នុងជំនាន់នោះគេនិយមហៅថាចៅហ្វាយខេត្ត ចៅហ្វាយស្រុក តែឡូវនេះលែងហៅ ចឹងទៀតហើយ គេដូរមកពាក្យថាអភិបាលខេត្ត អភិបាលស្រុកវិញ ព្រោះយើងជាខ្ញុំបម្រើរាស្ត្រ ពលរដ្ឋជាចៅហ្វាយមន្ត្រី ។
ក្នងនោះផងដែរ ឯកឧត្តម ឃួង ស្រេង អភិបាលរាជធានីភ្នំពេញ ក៏បានឲ្យប៉ុសិ៍្តនគរបាលរដ្ខបាលទាំងអស់ ត្រូវមានការប្រចាំការ២៤ម៉ោង ដើម្បីចាំទទួលករណីពលរដ្ឋគាត់មានបណ្តឹងជាក់ស្តែងនៅពេលយប់ព្រលប់ ដូចជាចោរលួច អំពើហិង្សា ករណីអគ្គីភ័យកើតឡើងដោយយថាហេតុ ។ ឯកឧត្តមអភិបាលក៏បានជំរុញឲ្យអាជ្ញាធរខណ្ឌទាំងអស់តាមដាន និងបង្ក្រាបទីតាំងល្បែងស៊ីសង ល្បែងភ្នាល់តាមអនឡាញ ណេត២៤ម៉ោង ជាពិសេសកន្លែងទទួលបញ្ចាំដែលគ្មានច្បាប់អនុញ្ញាត ៕
ចំនួនអ្នកទស្សនា
- ថ្ងៃនេះ2211
- ម្សិលមិញ4001
- សប្តាហ៍នេះ19801
- ខែនេះ214401
- ឆ្នាំនេះ214401
- សរុប20656857