នគរបាលចម្រុះខណ្ឌច្បារអំពៅ ចុះត្រួតពិនិត្យទីតាំងទទួលបញ្ចាំគ្មានច្បាប់៣ទីតាំង
15-August-2017 | ដោយ ពល បញ្ញា
ភ្នំពេញ ៖ នៅថ្ងៃទី១៤ ខែសីហា ឆ្នាំ២០១៧ ម៉ោង១៥និង៣០នាទី ដោយមានការអនុញ្ញាតពីលោក ចេង មុនីរ៉ា អភិបាល នៃគណៈអភិបាលខណ្ឌច្បារអំពៅ និងជាប្រធានគណៈបញ្ជាការឯកភាពរដ្ឋបាលខណ្ឌច្បារអំពៅ ក្រុមការ ងារចម្រុះដឹកនាំដោយលោក ណុប ផា អភិបាលរងខណ្ឌ , លោកវរសេនីយ៍ទោ ម៉ៅ សឿត អធិការរងខណ្ឌ និងលោកវរសេនីយ៍ត្រី ព្រំ សុផល មេបញ្ជាការរងកងរាអាវុធហត្ថខណ្ឌ និងមានការចូលរួមពីកម្លាំងសាលាខណ្ឌ, នគរបាលខណ្ឌ, កងរាជអាវុធហត្ថខណ្ឌ, កម្លាំងសាលាសង្កាត់ និងនគរបាលប៉ុស្តិ៍ច្បារអំពៅ២ ចុះ ត្រួតពិនិត្យទីតាំងទទួលបញ្ចាំសរុប ០៤ទីតាំង (មានច្បាប់អនុញ្ញាត០១ទីតាំង,គ្មានច្បាប់អនុញ្ញាត ០៣ ទីតាំង) រួមមាន៖
ទីតាំងគ្មានច្បាប់អនុញ្ញាត០៣ទីតាំង ៖
-ទីតាំងទី១ ៖ ស្ថិតនៅផ្ទះលេខ៣១១០ ផ្លូវ៣៦៩ ភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ ដែលមានម្ចាស់ទីតាំងឈ្មោះ ឡាយ សារុន ភេទស្រី អាយុ....ឆ្នាំ ជនជាតិខ្មែរ មុខបរបើកទទួលបញ្ចាំ ស្នាក់នៅទីតាំងខាងលើ (ទទួលបញ្ចាំម៉ូតូ)។
-ទីតាំងទី២ ៖ ស្ថិតនៅផ្ទះលេខ២៥ ផ្លូវលំ ភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ ដែលមានម្ចាស់ទីតាំងឈ្មោះ តាំង ចេង ភេទស្រី អាយុ៤២ឆ្នាំ ជនជាតិខ្មែរ មុខបរបើកកទទួលបញ្ចាំ ស្នាក់នៅទីតាំងខាងលើ (ទទួលបញ្ចាំទូរស័ព្ទដៃ)។
-ទីតាំងទី៣ ៖ ស្ថិតនៅផ្ទះគ្មានលេខ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ដែលមានម្ចាស់ ទីតាំងឈ្មោះ ហេង ផល្លី ភេទ ស្រី អាយុ៤៤ឆ្នាំ ជនជាតិខ្មែរ មុខបរបើកកទទួលបញ្ចាំ ស្នាក់នៅទីតាំងខាងលើ (ទទួលបញ្ចាំទូរស័ព្ទដៃ)។
+ទីតាំងមានច្បាប់អនុញ្ញាតមួយទីតាំង ចេញដោយក្រសួងសេដ្ឋកិច្ច និងហិរញ្ញវត្ថុ លេខ : ៦៧១ សហវ.អឌហ ស្ថិតនៅផ្ទះលេខ៤ស្ទួន ផ្លូវ ៣៧១ ភូមិដើមចាន់ សង្កាត់ច្បារអំពៅ២ ខណ្ឌច្បារ អំពៅ ដែលមានម្ចាស់ទីតាំងឈ្មោះ ចាន់ ប៊ុនថេន ភេទ ស្រី ៤៥ឆ្នាំ ជនជាតិ ខ្មែរ មុខរបរ បើកទទួលបញ្ចាំ ស្នាក់នៅទីតាំងខាងលើ (ទទួលបញ្ចាំម៉ូតូ)។
+ចំពោះទីតាំងទាំង៣គ្មានច្បាប់ខាងលើ ក្រុមការងារចម្រុះបាន ធ្វើការអប់រំណែនាំដល់ម្ចាស់អាជីវកម្មឲ្យទៅសុំច្បាប់អនុញ្ញាតបើកអាជីវកម្មដោយត្រឹមត្រូវតាមច្បាប់កំណត់ និងធ្វើការផ្អាកអាជីវកម្មគ្មានច្បាប់ជាបណ្តោះអាសន្នសិន។
+ចំពោះទីតាំងមានច្បាប់អនុញ្ញាត០១ទីតាំងខាងលើ ក្រុមការងារចម្រុះយើងបានធ្វើការណែនាំដល់ ម្ចាស់អាជីវកម្មទទួលបញ្ចាំបន្ថែម ត្រូវទទួលបញ្ចាំម៉ូតូ និងសម្ភារៈផ្សេងៗមានឯកសារសម្គាល់ម្ចាស់កម្មសិទ្ធិច្បាស់លាស់ត្រឹមត្រូវ បើមានករណីសង្ស័យត្រូវសហការរាយការណ៍ជូនសមត្ថកិច្ចឲ្យបានឆាប់ រហ័សងាយស្រួលយើងបង្ក្រាបបទល្មើសទាន់ពេលវេលា និងសុំឲ្យម្ចាស់អាជីវកម្មទទួលបញ្ចាំត្រឹមម៉ោង១៨និង០០នាទី ៕
ចំនួនអ្នកទស្សនា
- ថ្ងៃនេះ2161
- ម្សិលមិញ4001
- សប្តាហ៍នេះ19751
- ខែនេះ214351
- ឆ្នាំនេះ214351
- សរុប20656807