(​ភ្នំពេញ​)៖ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រកម្ពុជា​ បាន​អំពាវនាវ​ដល់​កងទ័ព​គ្រប់​ប្រភេទ ត្រូវ​រួមគ្នា​បន្ត​ថែរក្សា និង​អនុវត្តន៍​គោលការណ៍​ឃឿន​ការពារជាតិ របស់​ប្រជាជន​ឲ្យ​បានជា​ប់លាប់ និង​ម៉ឹងម៉ាត់​បំផុត ​។​

សម្តេច​បាន​ថ្លែង បែបនេះ​នៅក្នុង​ពិធី​សម្ពោធ​ដាក់​ឲ្យ​ប្រើប្រាស់​នូវ​ហេដ្ឋារចនាសម្ព័ន្ធ អាគារ​ហ្វឹកហ្វឺន​ជំនាញ​ចារកម្ម និង​បុកគ្រឹះ​សាងសង់​សាលប្រជុំ នៃ​អគ្គនាយកដ្ឋាន​ស្រាវជ្រាវ ចារកិច្ច ស្ថិតនៅក្នុង​ខណ្ឌ​ព្រែក​ព្នៅ រាជធានី​ភ្នំពេញ​នៅ​ព្រឹក​ថ្ងៃ​អង្គា​រ៍ ៩​រោច ខែ​មិគសិរ ឆ្នាំរកា ព​.​ស ២៥៦១ ត្រូវ​នឹង​ថ្ងៃទី​១២ ខែធ្នូ ឆ្នាំ​២០១៧​នេះ​។​

​សម្តេច​អគ្គមហាសេនាបតី​តេ​ជោ ហ៊ុន សែន​ក៏បាន​មានប្រសាសន៍​បន្ថែមទៀត​ផងដែរ​ថា​៖ កងទ័ព​ជា​កូនចៅ​របស់​ប្រជាពលរដ្ឋ​ហើយ​កងទ័ព​មិនមែនជា​ចៅហ្វាយនាយ​របស់​ប្រជាជន​នោះឡើយ​តែ​ជា​អ្នកបម្រើ​របស់​ប្រជាពលរដ្ឋ​ហើយ​អ្នក​ទាំងឡាយណា​ដែល​កំពុង​បញ្ជា​បដិវត្តន៍​ពណ៌ ឬ​បន្ត​រៀបចំ​គម្រោង​បដិវត្តន៍​ពណ៌​នៅ​កម្ពុជា ទាំង​កំពុង​រស់នៅ​ក្នុងប្រទេស​កម្ពុជា ឬ​កំពុង​បញ្ជា​ពី​ក្រៅប្រទេស គឺ​ត្រូវតែ​បញ្ឈប់​សកម្មភាព​នេះ​ជាដាច់ខាត និង​ជាបន្ទាន់​។​


​