ឯកឧត្តម ត្រាំ អ៊ីវតឹក ៖ ការពង្រឹងគុណភាព អប់រំលើវិស័យបច្ចេកវិទ្យាគមនាគមន៍ និងព័ត៌មាន គឺមានសារៈសំខាន់ណាស់ក្នុងការធានាបាននូវភាពប្រកួតប្រជែងរបស់កម្ពុជា ក្នុងសហគមន៍សេដ្ឋកិច្ចអាស៊ាន
17-December-2017 | ដោយ ពល បញ្ញា
ភ្នំពេញ៖ ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃណីយ៍ និងទូរគមនាគមន៍បានថ្លែងថា ការពង្រឹងគុណភាពអប់រំ ជាពិសេសការអប់រំលើវិស័យបច្ចេកវិទ្យាគមនាគមន៍ និងព័ត៌មាន គឺមានសារៈសំខាន់ណាស់ ក្នុងការធានាបាននូវភាពប្រកួតប្រជែងរបស់កម្ពុជា ក្នុងសហគមន៍សេដ្ឋកិច្ចអាស៊ានក្នុងបរិបទសមាហរណកម្មអាស៊ាននាពេលបច្ចុប្បន្ននេះ និងដើម្បីធានាបាននូវការបណ្តុះបណ្តាលបច្ចេកទេសមួយដែលមានគុណភាព វិទ្យាស្ថានជាតិត្រូវរៀបចំកម្មវិធីសិក្សាមួយដែលឆ្លើយតបទៅនឹងតម្រូវការជាក់ស្តែងរបស់ទីផ្សារការងារ ដោយត្រូវសហការឱ្យបានល្អជាមួយវិស័យឯកជន។
ឯកឧត្តម បានថ្លែងបែបនេះ ក្នុងពិធីបើកបវេសនកាលឆ្នាំសិក្សាថ្មី ២០១៧ - ២០១៨ ដែលប្រារពធ្វើឡើងនៅវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ហៅកាត់ថា នីបតិច (NIPTICT) ដោយមានការអញ្ជើញចូលរួមពីថ្នាក់ដឹកនាំនៃក្រសួងប្រៃសណីយ៍ និងទូរគមនាគមន៍ ព្រមទាំងថ្នាក់ដឹកនាំនៃវិទ្យាស្ថានជាតិ NIPTICT និងនិស្សិតនៃវិទ្យាស្ថានជាតិសរុបមានចំនួនប្រមាណ ២០០នាក់កាលព្រឹកថ្ងៃទី១៤ ខែធ្នូ ឆ្នាំ២០១៧កន្លងទៅនេះ ។
ចំនួនអ្នកទស្សនា
- ថ្ងៃនេះ1561
- ម្សិលមិញ3961
- សប្តាហ៍នេះ11321
- ខែនេះ205921
- ឆ្នាំនេះ205921
- សរុប20648377