លោក លី សុវណ្ណ ៖ បរាជ័យ មិនមែនជាឧបសគ្គ ឆ្ពោះទៅរកភាពជោគជ័យនោះទេ !

30-March-2018 | ដោយ ពល បញ្ញា

ភ្នំពេញ៖ លោក លី សុវណ្ណ ជាអគ្គនាយករង ប៊ែលធី គ្រុប និងជាម្ចាស់សំណង់ផ្ទះល្វែង លី សុវណ្ណ បានថ្លែងថា៖ បរាជ័យ មិនមែនជាឧបសគ្គ ឆ្ពោះទៅរកភាពជោគជ័យនោះទេ ! ដោយការចាប់ផ្តើម សាងសង់គម្រោងទី ០១ ស្ថិតនៅភូមិចំរើនផល ទល់មុខពេទ្យរុស្ស៊ី ពិតជាមាន ឧបសគ្គ និង បញ្ហាប្រឈមជាច្រើន ដែលពុំទាន់ ទទួលបានជោគជ័យនៅឡើយនោះទេ។ប៉ុន្តែដោយសារការមិនបោះបង់ចោលនូវការវិនិយោគ លើវិស័យការសាងសង់ផ្ទះល្វែងនេះ ហើយព្យាយាមរិះរកមធ្យោបាយ នូវចំណុចខ្វះខាត នៃការគ្រប់គ្រង នោះធ្វើ៌ឲ្យទទួលបាន ជោគជ័យនូវគម្រោងបន្ទាប់។

លោកក៏បានថ្លែងបែបនេះ នៅក្នុងកម្មវិធីជប់លៀងបុគ្គលិកនិង គណៈគ្រប់គ្រង បុរី លី សុវណ្ណ គម្រោងទី៧ ស្ថិតនៅតាមផ្លូវទំនប់កប់ស្រូវ ក្បែរស្ពានព្រែកព្នៅ ភូមិផ្សារលិច សង្កាត់ព្រែកព្នៅ ខណ្ឌ ព្រែកព្នៅរាជធានី ភ្នំពេញកាលពីរសៀល ថ្ងៃទី ២៧ ខែ មីនា ឆ្នាំ ២០១៨ កន្លងទៅនេះ ។

គូសបញ្ជាក់ផងដែរថា៖សំណង់ផ្ទះល្វែងលី សុវណ្ណ ចាប់ផ្តើមតាំងពី ឆ្នាំ២០១២ ហើយសម្រេចបាន ចំនួន ០៦ គម្រោង ដូចជា៖ ០១ ស្ថិតនៅភូមិចំរើនផល ទល់មុខពេទ្យរុស្ស៊ី ម្រោងទី២ ស្ថានីយ៍បូមលូទឹកស្អុយ ផ្លូវ៣៧១គម្រោង ទី៣ ស្ថិតនៅចាក់អង្រែក្រោម គម្រោងទី៤: ស្ថិតនៅក្បែរផ្សារព្រែកទា ក្បែរព្រលានយន្តហោះពោធ៍ចិនតុងគម្រោងទី៥ ស្ថិតនៅជាប់បុរីពិភពថ្មី ក្រោយផ្សារឈូកមាសគម្រោង ទី៦ ស្ថិតនៅទល់មុខផ្សារឈូកមាស ហើយ បច្ចុប្បន្ននេះ គម្រោងទី៧ បុរី លី សុវណ្ណ ដែលមានអតិថិជនគាំទ្រយ៉ាងច្រើន ស្ថិតនៅតាមផ្លូវទំនប់កប់ស្រូវ ក្បែរស្ពានព្រែកព្នៅ ភូមិផ្សារលិច សង្កាត់ព្រែកព្នៅ ខ័ណ្ឌព្រែកព្នៅរាជធានី ភ្នំពេញ។