សមត្ថកិច្ ចនគរបាលបានបង្ក្រាបឃាត់ខ្លួនជនជាតិចិនចំនួន ៦នាក់ ករណី ចែកខិត្តប័ណ្ណម៉ាស្សា មានរូបភាពទាក់ទាញ បង្កប់សេវាកម្មផ្លូវភេទ
13-August-2018 | ដោយ ពល បញ្ញា
ខេត្តព្រះសីហនុ ៖ សមត្ថកិច្ចនគរបាលស្នងការនគរបាល ខេត្តព្រះសីហនុ បានបង្ក្រាបឃាត់ខ្លួនជនជាតិចិនចំនួន ៦នាក់ និងដកហូតបានខិត្តប័ណ្ណជាច្រើនសន្លឹក ដែលប្រកបរបរខុសច្បាប់នៅកម្ពុជា ដោយបានដើរផ្សព្វផ្សាយចែកខិត្តប័ណ្ណម៉ាស្សា មានរូបភាពទាក់ទាញ បង្កប់សេវាកម្មផ្លូវភេទ បែបពេស្យាចារ កាលពីយប់ថ្ងៃអាទិត្យ ១កើត ខែស្រាពណ៍ ឆ្នាំច សំរឹទ្ធិស័ក ពស២៥៦២ ត្រូវនឹងថ្ងៃទី១២ ខែសីហា ឆ្នាំ២០១៨។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានឱ្យដឹងថា ពេលដែលហៅអ្នកជំនាញមកធ្វើការបកប្រែភាសាចិន ក្នុងខិត្តប័ណ្ណទាំងនោះ មានន័យត្រឹមតែ សេវាកម្មម៉ាស្សាប៉ុណ្ណោះ ប៉ុន្តែរូបភាព វាបង្កប់ទៅជាការផ្សព្វផ្សាយអាជីវកម្មផ្លូវភេទ ឬពេស្យាចារ ដែលជាអំពើខុសច្បាប់នៅប្រទេសកម្ពុជា។ លោក បានបញ្ជាក់ថា បុរសជនជាតិចិនទាំង ៦នាក់នោះ សមត្ថកិច្ច បានធ្វើការអប់រំឲ្យធ្វើកិច្ចសន្យាបញ្ឈប់សកម្មភាពផ្សព្វផ្សាយនេះទាំងស្រុង។
ចំនួនអ្នកទស្សនា
- ថ្ងៃនេះ6481
- ម្សិលមិញ9421
- សប្តាហ៍នេះ62141
- ខែនេះ177291
- ឆ្នាំនេះ177291
- សរុប20619747