ឧត្តមសេនីយ៍ឯក ឆាយ គឹមខឿន៖ កងកម្លាំងតម្រួតបទបញ្ជា ត្រូវមាន វិន័យជាគំរូ និងហ្វឹកហ្វឺនជាប្រចាំដើម្បីអោយមាន កាយពលមាំមួន ក្នុងការ ការពារសន្តិសុខ សណ្តាប់ធ្នាប់ជូនប្រជាពលរដ្ឋ
06-October-2018 | ដោយ ពល បញ្ញា
ភ្នំពេញ៖ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិបានថ្លែងថា៖ កងកម្លាំងតម្រួតបទបញ្ជា ត្រូវមាន វិន័យជាគំរូ និងហ្វឹកហ្វឺនជាប្រចាំដើម្បីអោយមាន កាយពលមាំមួន ក្នុងការ ការពារសន្តិសុខ សណ្តាប់ធ្នាប់ជូនប្រជាពលរដ្ឋ ជាពិសេសជួយសង្គ្រោះប្រជាពលរដ្ឋ ពេលមានគ្រោះអាសន្នមកដល់ ។
ការថ្លែងបែបនេះ នៅពេល ឯកឧត្តម ឧត្តមសេនីយ៍តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ចូលរួម ក្នុងពិធីប្រកាសផ្ទេរភារកិច្ច តែងតាំងមុខតំណែង និង បំពាក់ឋានន្តរស័ក្តិជូនដល់មន្ត្រីនគរបាល នៅអង្គភាព តម្រួតបទបញ្ជា នៃអគ្គស្នងការដ្ឋាន នគរបាលជាតិ នារសៀលថ្ងៃ សុក្រ ១១រោជ ខែ ភទ្របទ ឆ្នាំ ច សំរឹទ្ធិស័ក ព.ស ២៥៦២ ត្រូវនឹងថ្ងៃទី ០៥ ខែ តុលា ឆ្នាំ ២០១៨ កន្លងទៅនេះ ។
មានប្រសាសន៍សំណេះសំណាលក្នុងឱកាសនោះ ឯកឧត្តម ឧត្តមសេនីយ៍ឯក ឆាយ គឹមខឿន បាននាំមកនូវការផ្តាំផ្ញើ សួរ សុខ ទុក្ខ ពីសំណាក់ សម្តេច ក្រឡាហោម ស ខេង ព្រមទាំង ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿននិង សំដែងនូវការកោតសរសើរដល់កងកម្លាំងទាំងអស់ ដែលបានខិតខំយកចិត្តទុកដាក់អនុវត្តន៍តូនាទីភារកិច្ចស្នូលរបស់ខ្លួនក្នុងការការពារសន្តិសុខ សណ្តាប់ធ្នាប់ជូនប្រជាពលរដ្ឋរហូត សម្រេចបានលទ្ធផលល្អជាបន្តបន្ទាប់៕
ចំនួនអ្នកទស្សនា
- ថ្ងៃនេះ2811
- ម្សិលមិញ9421
- សប្តាហ៍នេះ58471
- ខែនេះ173621
- ឆ្នាំនេះ173621
- សរុប20616077