ឯកឧត្ដម មួន សារ៉ន ផ្ញើសារជូនពរសម្តេចតេជោ ហ៊ុន សែន ក្នុងឱកាសរំលឹកខួប២០ឆ្នាំ នៃនយោបាយឈ្នះឈ្នះ ដែលបញ្ចប់សង្គ្រាមនៅកម្ពុជា
28-December-2018 | ដោយ ពល បញ្ញា
ភ្នំពេញ)៖ ឯកឧត្ដម មួន សារ៉ន អនុរដ្ឋលេខាធិការ ក្រសួងមហាផ្ទៃ និងជា ទីប្រឹក្សាផ្ទាល់ សម្តេចតេជោ ហ៊ុន សែន ព្រមទាំងថ្នាក់ដឹកនាំ មន្ត្រីក្រោមឱវាទទាំងអស់ ផ្ញើសារគោរពជូនពរសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសរំលឹកខួប២០ឆ្នាំ នៃនយោបាយឈ្នះឈ្នះរបស់សម្តេច (២៩-១២-១៩៩៨-២៩-១២-២០១៨) ដែលនាំឲ្យកម្ពុជាមានសុខ សន្តិភាពពេញបរិបូរណ៍ និងការរីកចម្រើនរហូតមកដល់សព្វថ្ងៃនេះ។
នាឱកាសដ៏ប្រពៃថ្លៃថ្លានេះ យើងខ្ញុំទាំងអស់គ្នាសូមគោរពជូនពរ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា មានសុខភាពល្អបរិបូរណ៍ ពលានុភាពមាំមួន ជន្មាយុយឺនយូរ និងសូមទទួលបាននូវជោគជ័យថ្មីៗ ធំធេងថែមទៀត ក្នុងការបន្តដឹកនាំមាតុភូមិកម្ពុជាឆ្ពោះទៅរកសុខសន្តិភាព ស្ថិរភាព វិបុលភាព និងអភិវឌ្ឍន៍លើគ្រប់វិស័យ។
ជាថ្មីម្ដងទៀតយើងខ្ញុំទាំងអស់គ្នា សូមគោរពជូនពរ សម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី និងចៅប្រុស ចៅស្រីជាទីស្រឡាញ់ទាំងអស់ សូមបានប្រកបដោយពុទ្ធពរទាំងបួនប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕
ចំនួនអ្នកទស្សនា
- ថ្ងៃនេះ2291
- ម្សិលមិញ16391
- សប្តាហ៍នេះ48521
- ខែនេះ163671
- ឆ្នាំនេះ163671
- សរុប20606127