​ភ្នំពេញ​៖  សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ កម្ពុជា បាន​ថ្លែងថា សាម​កុក​មិនមែន​មានតែ​ក្នុងប្រទេស​ចិន​នោះទេ​សាម​កុក​ក៏មាន​នៅក្នុង​ប្រទេស​កម្ពុ​ជា​ផងដែរ​ក្នុងន័យនេះ​សម្តេចនាយក​រដ្ឋមន្ត្រី​ចង់​បញ្ជាក់ថា​ក្នុង​ប្រវត្តិសាស្ត្រ​ខ្មែរ​មានការ​បែកបាក់​ប្រទេសជាតិ​មួយ​មានការ​បែងចែក​តំបន់​ត្រួតត្រា​ជាច្រើន​  តែ​ក្រោយ​ឆ្នាំ​១៩៩៨ កម្ពុជា បាន​ក្លាយជា​ប្រទេសមួយ មាន​តំបន់​ត្រួតត្រា​តែមួយ មាន​កងកម្លាំងប្រដាប់អាវុធ​តែមួយ ។​

ការ​ថ្លែង​បែបនេះ នៅពេល សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន អញ្ជើញ​ជា​អធិបតី​សម្ពោធ វិមាន​អនុស្សាវរីយ៍ «​នយោបាយ​ឈ្នះ​-​ឈ្នះ​» និង​អបអរសាទរ​ខួប​២០​ឆ្នាំ នៃ​ការបិទ​បញ្ចប់​ភ្លើងសង្គ្រាម​នៅក្នុង​ប្រទេស​កម្ពុជា ក្រោម «​នយោបាយ​ឈ្នះ​-​ឈ្នះ​» របស់​សម្តេច​តេ​ជោ ហ៊ុន សែន​ នា​ព្រឹក ថ្ងៃ​សៅរ៍ ទី​២៩ ខែធ្នូ ឆ្នាំ​២០១៨ សង្កាត់​ព្រែក​តាសេក ខណ្ឌ​ជ្រោយចង្វារ រាជធានី​ភ្នំពេញ ។​

​សម្តេច​តេ​ជោ ហ៊ុន សែន ក៏បាន​ថ្លែង​ផងដែរ​ថា សុំ​ឲ្យ​ស្ថានភាព​ប្រទេសមួយ មាន​តំបន់​ត្រួតត្រា​តែមួយ​ស្ថិតនៅ​ជា​អមតៈ​សម្រាប់​សង្គម​កម្ពុជា​ដ៏​កម្សត់​មួយ​នេះ ៕
​