សម្តេចតេជោហ៊ុនសែនបានថ្លែងថា៖ ត្រូវប្រឹងប្រែងរួមគ្នា ធ្វើយ៉ាងណាឱ្យកូនខ្មែរទទួល បានការអប់រំប្រកបដោយគុណភាពខ្ពស់
24-April-2019 | ដោយ ពល បញ្ញា
ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា បានថ្លែងថា ត្រូវប្រឹងប្រែងរួមគ្នា ធ្វើយ៉ាងណាឱ្យកូនខ្មែរទទួល បានការអប់រំប្រកបដោយគុណភាពខ្ពស់ រី ឯការវិនិយោគ លើវិស័យអប់រំនៅ កម្ពុជាមិនមែនមានតែខ្មែរទេ តែក៏មានជនបរទេសផងដែរ ៕
ការថ្លែងបែបនេះនៅពេល សម្តេចតេជោ ហ៊ុនសែន បានអញ្ជើញជាអធិបតីប្រគល់ សញ្ញាបត្រដល់ និស្សិតសាកលវិទ្យាល័យជាតិគ្រប់គ្រង (NUM) ប្រមាណ២២៨៧នាក់ បន្ទាប់ពីបានបញ្ចប់ការសិក្សាដោយជោគជ័យ និស្សិតជយលាភី ២២៨៧នាក់នេះ មាននិស្សិតជានារី ១,១៩៤នាក់។ កម្មវិធីនេះធ្វើឡើងនៅមជ្ឍមណ្ឌល និងពិពណ៌ក្រោះពេជ្រ នៅព្រឹកថ្ងៃអង្គារ ៤រោច ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី២៣ ខែមេសា ឆ្នាំ២០១៩ កន្លងទៅនេះ ។
សម្តេចអគ្គមហាសេនាបតី តេជោ ហ៊ុន សែន ក៏បានបន្ថែមទៀតផងដែរថា ៖ សម្តេចនៅតែមានមោទនភាពចំពោះគោលនយោបាយអប់រំដែលរាជរដ្ឋាភិបាលបានដាក់ចេញ ក្នុងនោះរឿងមួយដែលជាចាត់ទុកជាចំណុចពិសេសដែលប្រទេសមួយចំនួនមិនហ៊ានធ្វើ គឺការអនុញ្ញាតឱ្យសាកលវិទ្យាល័យរបស់រដ្ឋបណ្តុះបណ្តាលនិស្សិតដោយការគិតថ្លៃដែល សាកលវិទ្យាល័យរដ្ឋដែលបណ្តុះបណ្តាលនិស្សិតដោយគិតថ្លៃអាចមានលទ្ធភាពអភិវឌ្ឍន៍ និងកសាងសាលាដោយខ្លួនឯង ដោយមិនចាំបាច់ថវិការបស់រដ្ឋ៕ ដោយ លាង ម៉េងឡា
ចំនួនអ្នកទស្សនា
- ថ្ងៃនេះ8741
- ម្សិលមិញ6261
- សប្តាហ៍នេះ27121
- ខែនេះ142271
- ឆ្នាំនេះ142271
- សរុប20584727