លោក មែ ស៊ីថុន ព្រមទាំងក្រុមការងារ បាននាំយកកង់ និង សម្ភារៈសិក្សា ចែកជូនដល់ សិស្សានុសិស្ស ខេត្តពោធិ៍សាត់

02-May-2019 | ដោយ ពល បញ្ញា

ខេត្តពោធិ៍សាត់៖ លោក មែ ស៊ីថុន ប្រធានសមាគមអតីតសិស្សនិស្សិតនៅកម្ពុជាព្រមទាំងក្រុមការងារបាននាំសម្ភារៈសិក្សា ចែកជូនដល់ សិស្សានុសិស្សនិងសំណេះសំណាលជាមួយមាតាបិតាសិស្ស
នៃសាលាបឋមសិក្សា ពោល្យំ ស្ថិតនៅភូមិពោល្យំ ឃុំត្រពាំងជង ស្រុកបាកាន ខេត្តពោធិ៍សាត់
នាថ្ងៃពុធ ១២រោច ខែចេត្រ ឆ្នាំកុរ ឯកស័ក ព.ស ២៥៦២ត្រូវនឹងថ្ងៃទី០១ ខែឧសភា ឆ្នាំ២០១៩ កន្លងទៅនេះ ។

នៅឱកាសនោះ លោក មែ ស៊ីថុន បានមានប្រសាសន៍ថា ៖ ការបង្កើតកម្មវិធីនេះឡើងក្នុងគោលបំណងចែករំលែកក្តីស្រលាញ់ដល់ក្មួយៗ ក្នុងនាមជារៀមច្បងជំនាន់មុន និងលើកទឹកចិត្តក្មួយៗសិក្សានុសិស្សឲ្យចេះស្រលាញ់ការសិក្សា និងបង្ហាញពីក្តីស្រលាញ់ដែលសង្គមកម្ពុជាយើងមានចំពោះក្មួយៗហើយ ក៏ឆ្លៀតឱកាសជួបសំណេះសំណាលជាមួយអាណាព្យាបាលសិស្ស និងបង្ហាញពីតម្លៃនៃការសិក្សា ព្រោះថាឳពុកម្តាយជាចំណែកមួយធំ និងសំខាន់ណាស់ក្នុងការបញ្ជូនកូនមករកចំណេះដឹង និងលើកទឹកចិត្តកូនឲ្យកាន់តែស្រលាញ់និងយកចិត្តទុកដាក់លើការសិក្សា ៕

លោក ក៏បានបន្ថែមទៀតផងដែរថា ការចូលរួមកម្មវិធីមនុស្សធម៌ផ្សេងៗ ប្រមូលផ្តុំ យុវជនគម្រូ ផ្តួចផ្តើមគំនិត និងគៀងគរធនធានសម្រាប់ ចូលរួមសកម្មភាពសង្គមក្នុងគោលដៅ រួមចំណែកលើកកម្ពស់វិស័យអប់រំ និងការពារគុណភាពបរិស្ថានដើម្បី ជួយសម្រាលបន្ទុករបស់រាជរដ្ឋាភិបាល និងជួយជម្រុញឲ្យការអនុវត្ត និងរួមចំណែកបង្កើត សមិទ្ធិផល របស់រាជរដ្ឋាភិបាលផងដែរ ។ ដោយ លាង ម៉េងឡា