Champions League ក្រោយពី​ទទួលបាន​ជ័យជម្នះ​លើ​ក្រុម Paris Saint-Germain និង Sevilla រៀងៗ​ខ្លួន​កាលពី​ថ្ងៃ​អង្គារ​។ ការទទួល​ជ័យជម្នះ​ដ៏​គួរ​ឲ្យ​ចាប់អារម្មណ៍​ក្នុង​លទ្ធផល ៣-១ របស់​ក្រុម Man City បាន​បំពេញ​ក្តីសង្ឃឹម​របស់​ពួកគេ​ក្នុងការ​ឈានទៅ​វគ្គ ជាមួយនឹង​ការ​នៅសល់​២​ប្រកួត ខណៈដែល​ក្រុម Real បាន​កត់ត្រា​ជ័យជម្នះ​ទាំង​ប្រផិតប្រផើយ​នៅលើ​ទឹកដី Madrid ក្នុង​លទ្ធផល ១-០ លើ​ក្រុម PSG​។

​ស្របពេល​ជាមួយគ្នានេះ វា​មាននូវ​ការធូរស្រាល​មួយ​នៅ​កីឡដ្ឋាន Old Trafford ខណៈដែល​ក្រុម Manchester United បានបញ្ចប់​ការរង់ចាំ​រយៈពេល​៤០០​នាទី​សម្រាប់​គ្រាប់​បាល់​១​គ្រាប់ ក្នុងការ​ផ្តួល​ក្រុម CSKA Moscow ១-០​។​

​គ្រាប់​បាល់​ស៊ុត​បញ្ចូល​ទី យ៉ាង​ល្អ​ពី​សំណាក់​កីឡាករ Nacho បាន​ក្លាយជា​គ្រាប់​បាល់​កាត់សេចក្តី​សម្រាប់​ក្រុម​ម្ចាស់​ជើងឯក​១០​សម័យកាល Real ដើម្បី​ទទួល​ជ័យជម្នះ ១-០ បើទោះបី​ស្ថិតក្រោម​ការគ្រប់គ្រង​ទាំងស្រុង​ក្នុង​តង់​ទី​១​នៃ​ការ ប្រកួត​ពូ​ល A នៅ​កីឡដ្ឋាន Santiago Bernabeu ក៏ដោយ​។

Rafael Benitez គ្រូបង្វឹក​របស់ Real បាន​ឲ្យ​ដឹងថា​៖ «​យើង​បាន​ជួប​ភាព​ត្រដាបត្រដួស​ក្នុង​តង់​ទី​១ ហើយ​នៅ​តង់​ទី​២ យើង​មាន​ឱកាសល្អៗ​ជាច្រើន​។ ការ​ជាសះស្បើយ​របស់​កីឡាករ​ពី​បញ្ហា​របួស នឹង​ជួយ​ដល់​យើង​សម្រាប់​ការប្រកួត​នាពេល​ខាងមុខនេះ​»​។  

PSG បានធ្វើការ​គ្រប់គ្រង​ស្ទើរតែ​ទាំងស្រុង​ក្នុង​តង់​ទី​១ ខណៈដែល​ខ្សែប្រយុទ្ធ Zlatan Ibrahimovic មានឱកាស​ស៊ុត​បាល់​ខុស​បង្គោល​ទី ហើយ​ការ​ស៊ុត​របស់ Edinson Cavani បាន​ហោះ​ជំ​លង​ដៃ​អ្នកចាំទី Keylor Navas មុននឹង​បាល់​នោះ​ត្រូវបាន​ទាត់​ចេញ​ដោយ​ខ្សែការពារ​ម្នាក់​៕

​ប្រភព​៖ Channel News Asia , cambosport
​