ធ្វើការលើសពី៨ម៉ោងក្នុង១ថ្ងៃ បង្កើនហានិភ័យកើតជំងឺដាច់សរសៃឈាមខួរក្បាល
21-November-2015 | ដោយ មួយឡា
ជាលើកទី១ហើយនៅក្នុងប្រវត្តិសាស្ត្រ ដែលពួកអ្នកវិទ្យាសាស្ត្របានកំណត់ឃើញចំនួនម៉ោងធ្វើការ ដែលអាចបង្កគ្រោះថ្នាក់ខ្លាំងដល់សុខភាព។ គេបានឯកភាពគ្នាជាផ្លូវការហើយថា ការធ្វើការលើសពី៨ម៉ោងក្នុង១ថ្ងៃ អាចបង្កើនហានិភ័យកើតជំងឺដាច់សរសៃឈាមខួរក្បាល(stroke) ដល់ទៅ៣៣%។
ការសិក្សានេះ ដែលដឹកនាំដោយលោក Mika Kivimaki ជាសាស្ត្រចារ្យផ្នែកអេពីដេមីសាស្ត្រនៅសាកលវិទ្យាល័យ University College London បានប្រមូលទិន្នន័យដែលគេទទួលបានពីការសិក្សាទាំងអស់ចំនួន២៥ ដែលមានការចូលរួមពីមនុស្សជាង៦លាននាក់ ហើយដែលបានប្រព្រឹត្តទៅនៅអឺរ៉ុប សហរដ្ឋអាមេរិក និងអូស្ត្រាលី អស់ពេលជិត៩ឆ្នាំមួយៗ។
ការសិក្សានេះបានបង្ហាញឱ្យដឹងថា ការធ្វើការចំនួន៥៥ម៉ោងក្នុង១សប្រាហ៍ៗអាចបង្កើនហានិភ័យកើតជំងឺ ដាច់សរសៃឈាមខួរក្បាល(stroke) រហូតដល់ទៅ៣៣% ច្រើនជាងការធ្វើការត្រឹមតែ៣៥ទៅ៤០ម៉ោងក្នុង១សប្តាហ៍។ វាក៏បង្កើនហានិភ័យកើតជំងឺសរសៃឈាមបេះដូង (coronary heart disease) ១៣%ច្រើនជាង ផងដែរ។
លទ្ធផលនៃការសិក្សានេះនឹងត្រូវចុះផ្សាយឆាប់ៗនេះនៅក្នុងព្រឹត្តិប័ត្រវេជ្ជសាស្ត្ររបស់អង់គ្លេស ឈ្មោះថា The Lancet ៕
ប្រភព៖ health
ចំនួនអ្នកទស្សនា
- ថ្ងៃនេះ2831
- ម្សិលមិញ15191
- សប្តាហ៍នេះ45981
- ខែនេះ67861
- ឆ្នាំនេះ67861
- សរុប20510317