Joe ​Cole​ កីឡាករ​គោលដៅ​របស់​ Aston​ Villa​ កំពុង​តែ​រៀបនឹង​បន្ត​កុងត្រា​ខ្ចី​ជើង​ថ្មី​ជាមួយ​ក្រុម​លី​ក​លំដាប់​ទី​១​ League​ One​ ក្រុម​ Coventry​ City​ រហូត​ដល់​ថ្ងៃ​ទី​៣​ មក​រា​។​

អតីតកីឡាករ​វ័យ​៣៤​ឆ្នាំ​របស់​ Liverpool​ និង​ Chelsea​ បាន​ចូលរួម​ជាមួយ​ Coventry​ កាលពី​ខែ​មុន​និង​ចូល​លេង​បាន​៣​ប្រកួត​អោយ​ក្លឹ​ប​រកបាន​១​គ្រាប់​ផង​ដែរ​។ ​

​ហើយ​ពេល​នេះ​គ្រូបង្វឹក​ Tony​ Mowbray​ បាន​បង្ហើប​ថា​ Cole​ នឹង​នៅ​ជាមួយ​ក្លឹ​ប​បន្ត​ទៀត​រហូត​ដល់​ឆ្នាំ​ថ្មី​ជាមួយនឹង​ការ​យល់ព្រម​ ជាមួយ​ Villa​ ។​

លោក​ Mowbray​ បាន​ប្រាប់​វេ​ប​សាយ​ក្លឹ​ប​ថា​៖​ ការ​ពន្យា​ត្រូវ​បាន​យល់ព្រម​ជាមួយ​ Aston​ Villa​ ហើយ​។​
​
​គាត់​មិន​ទាន់​បំពេញ​ឯកសារ​ទេ​ ប៉ុន្តែ​គាត់​ជិត​ធ្វើ​វា​ហើយ​។​ នៅ​ពេល​ដែល​វា​រួចរាល់​ កុងត្រា​នឹង​បន្ត​រហូត​ដល់​ថ្ងៃ​ទី​៣​ មក​រា​។​

Mowbray​ ក៏​បាន​បន្ត​ទៀត​ថា​ Cole​ បាន​ប្រឹងប្រែង​ហ្វឹកហាត់​យ៉ាង​ខ្លាំង​ដើម្បី​អោយ​មាន​សភាព​ពេញលេញ​ឡើង​វិញ​។​

គាត់​បា​បន្ថែម​ថា​៖​ ​ខ្ញុំ​បាន​ជួប​ជាមួយ​ Joe​ ពី​ការ​ហ្វឹកហាត់​រយៈពេល​៣​ស​ប្តា​ហ៍​។​ សំរាប់​ Joe​ វា​ល្អ​ប្រសើរ​សំរាប់​គាត់​ក្នុង​ការ​ប្រឹងប្រែង​និង​អាច​លេង​បាន​ពេញ​វិញ​។ ​ វា​ប្រៀប​ដូច​ជា​ការ​ប្រកួត​សំរាក​រដូវ​កាល​មួយ​សំរាប់​គាត់​។​
​   
​គាត់​ប្រាកដជា​ត្រូវ​លេង​ជាមួយ​ឈុត​អាយុ​ក្រោម​២១​ឆ្នាំ​នៅ​ Villa​ ដូចនេះ​យើង​ព្យាយាម​ដាក់​គំរោង​រួម​គ្នា​ដើម្បី​នាំ​គាត់​មក​វិញ​ មិនយូរ​មិនឆាប់​ គាត់​នឹង​ត្រលប់​ទៅ​រក​កំរិត​ល្អ​របស់​គាត់​វិញ​។​

​ប្រភព​៖​ talkSPORT , sportkh