ខ្ទឹមបារាំង ជួយពន្លឿនដល់ការលូតលាស់សក់ឲ្យឆាប់ដុះ
30-November-2015 | ដោយ មួយឡា
មនុស្សយើងគ្រប់គ្នានឹងត្រូវជ្រុះសក់ជារៀងរាល់ថ្ងៃ រហូតដល់ពីរបីពាន់សរសៃក្នុងមួយថ្ងៃ។ ប៉ុន្តែការជ្រុះសក់ច្រើនពេកអាចជាសញ្ញារបស់ជំងឺ Alopecia ឬជំងឺសក់ក្បាលផងដែរ។
ជំងឺសក់ដូចជា Alopecia ត្រូវការការព្យាបាល ឬថ្នាំព្យាបាលពិសេស។ បើសិនជាអ្នកជ្រុះសក់ច្រើនពេក ប៉ុន្តែមិនមានការជ្រុះសក់ធ្ងន់ធ្ងរទេនោះ វាអាចជាសំណួរមួយដែលត្រូវការថែរក្សាសក់ហើយ។ បើសិនជាបញ្ហារបស់អ្នកពិតជាមិនអាក្រក់តាមអ្នកគិតមែននោះ ការព្យាបាលតិចតួចអាចដោះស្រាយបាន ហើយ។
ខ្ទឹមបារាំងគឺជាការព្យាបាលដោយខ្លួនឯងដ៏អស្ចារ្យមួយសម្រាប់បង្ការ សក់ជ្រុះ ព្រោះវាអាចជួយជំរុញ និងពន្លឿនដល់ការលូតលាស់សក់បាន។ នេះដោយសារតែខ្ទឹមមានជាតិស្ពាន់ធ័រច្រើន។ ទឹករបស់វាអាចជួយជំរុញដល់ចរន្តឈាមរត់ និងពង្រឹងដល់ភាពរឹងមាំរបស់សក់ថែមទៀតផង។ វានឹងទៅបញ្ឈប់រាល់បាក់តេរី និងការរលាកទាំងអស់ចេញពីស្បែកក្បាល។ ទឹកខ្ទឹមបារាំងក៏អាចការពារជាតិប្រូតេអ៊ីនក្នុងសក់ និងធ្វើឱ្យវាកាន់តែរឹងមាំជាងមុន ព្រមទាំងបង្ការសក់ខូចទៀត។
របៀបនៃការប្រើប្រាស់
ទឹកខ្ទឹមបារាំងឆៅ៖ ចូរកិនខ្ទឹមបារាំងពីរបីផ្លែដើម្បីយកទឹករបស់វាទៅម៉ាស្សានៅលើ ស្បែកក្បាល។ រួចទុកវាចោល ៣០នាទីឡើងទៅ។ ចូរលាងសម្អាតវាជាមួយនឹងសាប៊ូកក់សក់ និងលាបប្រេងអប់សក់ដើម្បីបន្ថយក្លិនរបស់ខ្ទឹមបារាំង។ ចូរធ្វើបែបនេះបី ដងក្នុងមួយសប្តាហ៍ ឬច្រើនជាងនេះក៏បានដែរ។
ខ្ទឹមបារាំង និងទឹកឃ្មុំ៖ ចូរលាយទឹកឃ្មុំជាមួយនឹងទឹកខ្ទឹមបារាំង។ ចូរយកល្បាយនេះទៅម៉ាស្សាស្បែកក្បាល។ ទឹកឃ្មុំនឹងជួយបង្កើនការលូតលាស់របស់សក់ និងបង្ការការខូចឬសសក់។ ចូរធ្វើបែបនេះជារៀងរាល់ថ្ងៃ៕
ប្រភព៖ health
ចំនួនអ្នកទស្សនា
- ថ្ងៃនេះ951
- ម្សិលមិញ15191
- សប្តាហ៍នេះ44101
- ខែនេះ65981
- ឆ្នាំនេះ65981
- សរុប20508437