គ្រូបង្វឹក Arsene Wenger នឹងចំណាយខ្ពស់ជាង30លានផោន ដើម្បីទិញខ្សែការពារ John Stones
01-December-2015 | ដោយ មួយឡា
ខ្សែការពារ John Stones របស់ក្លឹប Everton ដែលជាគោលដៅរបស់ក្លឹប Chelsea និងក្លឹបធំៗមួយចំនួនពេលនេះកំពុងតែទទួលការចាប់អារម្មណ៍យ៉ាង ខ្លាំងពីក្លឹប Arsenal ហើយកាលពីរដូវកាលមុននេះតម្លៃខ្លួនរបស់កីឡាកររូបនេះគឺឡើងទៅដល់ 30 លានផោន។ កីឡាករ John Stones ត្រូវបានគេដឹងថាជាខ្សែការពារដ៏មានឥទ្ធិពលម្នាក់នៅជម្រើសជាតិ និង Premier League។
គ្រូបង្វឹក Arsene Wenger អាចនឹងចង់បានខ្សែការពារនេះខ្លាំង ព្រោះដើម្បីជួយក្លឹប Arsenal ឈ្នះពានរង្វាន់ជើងឯកនៅ Premier League ។ កីឡាករ Stone ទើបតែមានវ័យ 21 ឆ្នាំអាចនឹងមានតម្លៃខ្លួនខ្ពស់ជាង 30 លានផោន ប៉ុន្តែគ្រូបង្វឹក Wenger មិនខ្លាចក្នុងការចំណាយលុយច្រើនជាងនេះនោះទេដើម្បីទិញខ្សែការពារ រូបនេះ។
ក្លឹប Arsenal បានចំណាយលុយដល់ទៅ 42 លានផោនដើម្បីទិញកីឡាករ Mesut Ozil ពីក្លឹប Real Madrid និងកីឡាករ Alexis Sanchez តម្លៃខ្លួនដល់ទៅ 35 លានផោនពីក្លឹប Barcelona ទៀតផង។ គ្រូបង្វឹក Roberto Martinez របស់ក្លឹប Everton បញ្ជាក់ថា ខ្សែការពារ Stones នឹងមិនចាកចេញទៅទីណានោះទេ។
ក្លឹប Everton នឹងត្រូវប្រកួត Capital One Cup ជាមួយនឹងក្លឹប Middlebrough នៅថ្ងៃអង្គារិ៍ខាងមុខនេះ។ គួរបញ្ជាក់ផងដែរថា កីឡាករ Stones ត្រូវបានក្លឹប Everton ចំណាយលុយតែ 3 លានផោនទិញពីក្លឹប Barnsley ហើយកីឡាកររូបនេះបានទទួលកេរឈ្មោះល្បីយ៉ាងខ្លាំងនៅទឹកដី Goodison Park ។ ប្រសិនបើក្លឹប Arsenal ពិតជាទិញបាន Stone ពិតមែននោះ ខ្សែការពារកណ្តាលរបស់ក្លឹប Arsenal គឺកាន់តែរឹងមាំ និងខ្លាំងក្លាជាងពេលបច្ចុប្បន្ននេះ៕
ប្រភព៖ mirror , sportkh
ចំនួនអ្នកទស្សនា
- ថ្ងៃនេះ2171
- ម្សិលមិញ15191
- សប្តាហ៍នេះ45321
- ខែនេះ67201
- ឆ្នាំនេះ67201
- សរុប20509657