ញ៉ាំតែខ្ញីរាល់ថ្ងៃ អាចគ្រប់គ្រងសម្ពាធឈាមបានដែរទេ?
25-December-2015 | ដោយ មួយឡា
ជំងឺលើសសម្ពាធឈាម គឺជាបញ្ហាដែលកើតមានជាញឹកញាប់មួយនាពេលបច្ចុប្បន្ននេះដោយសារតែមនុស្សយើងមានរបៀបរស់នៅបែបអង្គុយច្រើនជាងដើរ ឬស៊ីដេកៗ។ ការបន្ថែមទម្លាប់មិនផ្តល់សុខភាពដូចជា ការញ៉ាំអាហារមិនត្រឹមត្រូវ ញ៉ាំអាហារប្រៃ និងញ៉ាំភេសជ្ជមានជាតិហ្គាសច្រើន សុទ្ធតែជាហេតុនាំអោយលើសសម្ពាធឈាមបានទាំងអស់។
ខណៈពេលដែលការប្រើថ្នាំអាចជួយគ្រប់គ្រងសម្ពាធឈាមនោះ វាក៏មានវិធីសាស្ត្រព្យាបាលដោយខ្លួនឯងជាច្រើនអាចដោះស្រាយបានដែរ។ ខ្ញីគឺជាឱសថមួយប្រភេទដែលត្រូវបានគេដឹងថាមានប្រយោជន៍ចំពោះបេះដូង និងសរសៃឈាម។ ខ្ញីត្រូវបានប្រជាជនឥណ្ឌាយកធ្វើជាអាហារ ហើយក៏ងាយស្រួលរកដែរ។ វាទៅបន្ធូរសាច់ដុំនៅជុំវិញសរសៃឈាម និងពង្រឹងដល់របត់ឈាមរត់ ហេតុដូច្នេះហើយទើបវាអាចបញ្ចុះសម្ពាធឈាមបាន។
ការប្រើប្រាស់ខ្ញីទៅក្នុងរបបអាហារទាំងការធ្វើជាតែខ្ញីញ៉ាំ រាល់ថ្ងៃ ឬជាគ្រឿងផ្សំក្នុងអាហារ សុទ្ធតែអាចគ្រប់គ្រងសម្ពាធឈាម និងបង្ការជំងឺបេះដូងបានទាំងអស់។
ការលើសសម្ពាធឈាមគឺជាឃាតករឈាមត្រជាក់ ព្រោះវាមិនមានបង្ហាញរោគសញ្ញាអ្វីទាំងអស់ ហើយក៏មិនអាចសម្គាល់ដឹងបានដោយងាយដែរ។ យ៉ាងណាមិញ រោគសញ្ញាតិចតួចដូចជា ការឈឺក្បាល ពិបាកដកដង្ហើម ឈាមច្រមុះ និងបញ្ហាភ្នែកនានា ប្រហែលជាបញ្ជាក់អំពីការលើសសម្ពាធឈាមបាន ប៉ុន្តែមានតែគ្រូពេទ្យទេទើបអាចបញ្ជាក់អំពីរឿងនេះ។
ចូរចាំថា វាគឺជាការព្យាបាលបែបធម្មជាតិមួយប៉ុណ្ណោះក្នុងការគ្រប់គ្រងសម្ពាធឈាម ហើយវាមិនមែនជាថ្នាំឡើយ ដូច្នេះមិនត្រូវពឹងពាក់វាតែមួយមុខដើម្បីគ្រប់គ្រងសម្ពាធឈាមឡើយ៕
ប្រភព៖ health
ចំនួនអ្នកទស្សនា
- ថ្ងៃនេះ4441
- ម្សិលមិញ12561
- សប្តាហ៍នេះ32391
- ខែនេះ54271
- ឆ្នាំនេះ54271
- សរុប20496727