សម្រាប់នារីៗប្រាកដជាយល់ និងធ្លាប់ឆ្លងកាត់​ការឈឺចាប់​អំឡុងពេលវដ្តរដូវម្តងៗ។ ហើយយើង​សុទ្ធ​សឹង​តែមានដំណោះ​ស្រាយខុសៗគ្នា អ្នក​ខ្លះនិយម​លេប​ថ្នាំ​បំបាត់ការ​ឈឺចាប់​ ខ្លះទៀត​ទទួលទានទឹក​ក្តៅឧណ្ហៗដើម្បីកាត់​បន្ថយការឈឺចាប់។

ប៉ុន្តែពេលនេះ​មាន​ផលិតផលថ្មីបង្ហាញខ្លួន​ក្នុងទីផ្សារ​ហើយ​ ឧបករណ៍នេះមានឈ្មោះថា Livia សម្រាប់ប្រើ​ប្រាស់ក្នុងការបំបាត់ការឈឺចាប់ដោយ​មិនចាំបាច់លេបថ្នាំអ្វីទាំងអស់។ អ្នក​គ្រាន់តែ​ត្រូវ​យក​បន្ទះរបស់វា​មក​បិទលើពោះ ហើយ​ចុក​ប៊ូតុងបញ្ជាបើកនោះវានឹង​ដំណើរ​បញ្ឈប់ការឈឺចាប់ជា​មិន​​ខាន។ ​ ស្ថាបនិកដែលបង្កើត​ឧបករណ៍ថ្មីនេះឈ្មោះ Chen Nachum បានពន្យល់អំពីដំណើរការរបស់វាថា៖

ប្រព័ន្ធរំញោចអគ្គិសនីនឹងឆ្លងកាត់តាមខ្សែចរន្តទៅកាន់ស្បែកដើម្បីរំខានការបញ្ជូនសញ្ញានៃភាពឈឺ​ចាប់​​របស់សរសៃវិញ្ញាណទៅកាន់ខួរក្បាល។  តាមរយៈការរំខានការបញ្ជូនសារនេះ ខួរ​ក្បាល​នឹង​លែង​ទទួលដឹងថានឹងមានភាពឈឺចាប់កើតឡើង ដូច្នេះ​អ្នក​ដែល​ប្រើប្រាស់​ឧបករណ៍​នេះ​គឺពុំ​មាន​អារម្មណ៍​ថាឈឺចាប់ឡើយ។

នាង Chelsea Frisbie  ដែល​ជាអ្នក​និពន្ទអត្ថបទនៅគេហទំព័រ Mashable បាន​រៀបរាប់អំពីបទពិសោធន៍នៃការប្រើ​ប្រាស់​ឧបករណ៍ Livia ថា វាពិជាមានប្រសិទ្ធិភាពមែន ប៉ុន្តែនាងក៏មាន​មិតិរិះគន់ផងដែរថាវា​មើលមិនសូវ​​សម ព្រោះថា​វាមើលទៅ Cute ពេកដូចជារបស់លេងសម្រាប់កូនក្មេង។ សូមបញ្ជាក់ផងដែរថា​ឧបករណ៍​នេះនឹង​ដាក់លក់ក្នុងតុលាខាងមុខនេះជាមួយនឹង​តម្លៃ ១៤៩ដុល្លារអាមេរិក៕​