វិទ្យាស្ថានសិក្សា ដើម្បីភាពជោគជ័យ បានបើកសិក្ខាសាលាពិសេសស្តីពី « យុវជនឆ្ពោះទៅរកវិថីជោគជ័យ គន្លឹះកសាងទំនុកចិត្ត និងភាពជឿជាក់លើខ្លួនឯង»
02-March-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី០២ ខែមិនា ឆ្នាំ២០១៦ នេះ នៅវិទ្យាល័យ ជាស៊ីម ជ្រោយចង្វារ សង្កាត់ ជ្រោយចង្វារ ខណ្ឌជ្រោយចង្វារ បានបើកសិក្ខាសាលាពិសេសស្តីពី " យុវជនឆ្ពោះទៅរកវិថីជោគជ័យ គន្លឹះកសាងទំនុកចិត្ត និងភាពជឿជាក់លើខ្លួនឯង " ដែលរៀបចំដោយ សហភាពសហពន្ធ័យុវជនកម្ពុជា រាជធានីភ្នំពេញ និង វិទ្យាស្ថាន សិក្សាដើម្បីភាពជោគជ័យ។
ពិធីនេះ មានការចូលរួមពី នាយកវិទ្យាល័យ ជាស៊ីម ជ្រោយចង្វារ សមាជិក សសយក រាជធានីភ្នំពេញ សសយក ខណ្ឌជ្រោយចង្វារ និងសិស្សានុសិស្សជាច្រើននាក់ទៀត ក្រោមអធិបតីភាព លោក ឃីម សុខហេង លោកនាយកវិទ្យាស្ថាន និង លោក ឃន សុជាតិ ប្រធាន សសយក ខណ្ឌជ្រោយចង្វារ។
នាឱកាសនោះលោក ឃីម សុខហេង លោកនាយកវិទ្យាស្ថាន និង លោក ឃន សុជាតិ ប្រធាន សសយក ខណ្ឌជ្រោយចង្វារបាន បញ្ជាក់ថា៖ នៅក្នុងខណ្ឌជ្រោយចង្វារមានវិទ្យាល័យចំនួន០៣ ក្នុងនោះរួមមាន : វិទ្យាល័យជាស៊ីមជ្រោយចង្វារ វិទ្យាល័យព្រែកលៀប វិទ្យាល័យប៊ុនរ៉ានី ហ៊ុនសែន ហើយកម្មពិធីសិក្ខាសាលានេះនឹងធ្វើនៅតាមវិទ្យាម្តងមួយៗ ក្នុងន័យណែនាំ បណ្តុះបណ្តាលភាពជោគជ័យទៅកាន់យុវជនជំនាន់ក្រោយ ដែលរៀបចំដោយ សសយក រាជធានីភ្នំពេញ នឹងធ្វើទូទាំងរាជធានីតែម្តង ហើយវាក៏បង្កើនសហប្រតិបត្តិការ រវាងវិទ្យាស្ថាន និងសសយកយុវជនបានមួយកំរិត៕
ចំនួនអ្នកទស្សនា
- ថ្ងៃនេះ4591
- ម្សិលមិញ4461
- សប្តាហ៍នេះ9061
- ខែនេះ30941
- ឆ្នាំនេះ30941
- សរុប20473397