ឯកឧត្តម ស សុខា ដឹកនាំសិស្សានុសិស្ស យុវជន និងមន្ត្រីរាជការ សំអាតទីប្រជុំជនអ្នកលឿង
09-March-2016 | ដោយ មែន កំសត់
ព្រៃវែង៖ ឯកឧត្តម ស សុខា អ្នកតំណាងរាស្ត្រមណ្ឌលព្រៃវែង និងជាប្រធានសហភាពសហព័ន្ធយុវជនកម្ពុជាខេត្តព្រៃវែង នៅព្រឹកថ្ងៃទី០៨ ខែមីនា ឆ្នាំ២០១៦ បានដឹកនាំសិស្សានុសិស្ស យុវជន និងមន្ត្រីរាជការចំនួន៣០០នាក់ ចុះសំអាត និងធ្វើអនាម័យទីប្រជុំជនអ្នកលឿង។ឆ្លើយតបទៅនឹងសេចក្តីអំពាវនាវរបស់សម្តេចនាយករដ្ឋមន្ត្រី ហ៊ុន សែន ក្នុងទិវាជាតិទីក្រុងស្អាតឯកឧត្តម ស សុខា បានលើកឡើងអំពីសារៈសំខាន់ជាគន្លឹះក្នុងការរក្សាអនាម័យទីប្រជុំជន ដើម្បីសុខភាព សោភ័ណភាព និងទាក់ទាញភ្ញៀវទេសចរ។
ក្នុងដំណើររើសសម្រាមនៅតាមដងផ្លួវសំខាន់ៗ ក្នុងទីប្រជុំជនអ្នកលឿង ឯកឧត្តម ស សុខា បានលើកទឹកចិត្តបងប្អូនប្រជាពលរដ្ឋ និងបំផុសគំនិតឲ្យពួកគាត់ទាំងអស់ រួមគ្នាដើម្បីសម្អាតអ្នកលឿង ដើម្បីឲ្យទីប្រជុំជនអ្នកលឿង ក្លាយជាទីក្រុងស្អាត ក្រោមពាកស្លោក «អ្នកលឿងទីក្រុងខ្ញុំ អ្នកលឿងទីក្រុងស្អាត»៕
ចំនួនអ្នកទស្សនា
- ថ្ងៃនេះ7691
- ម្សិលមិញ4461
- សប្តាហ៍នេះ12161
- ខែនេះ34041
- ឆ្នាំនេះ34041
- សរុប20476497