លោក ស៊ាន ចិន្តាចូលរួមក្នុងពិធីប្រកាសសមាសភាពក្រុមសកម្មជនយុវជនឃុំជ្រៃឃ្មុំ
13-May-2016 | ដោយ មែន កំសត់
ព្រៃវែង៖ នៅព្រឹកថ្ងៃទី ១៣ ឧសភា ឆ្នាំ២០១៦ លោក ស៊ាន ចិន្តា អនុប្រធានអចិន្ត្រៃយ៍ក្រុមការងារយុវជនគណបក្សស្រុកតំណាងឱ្យ លោក ម៉ននី បណ្ឌិត ប្រធានក្រុមការងារយុវជនគណបក្សស្រុកស៊ីធរកណ្ដាល បានអញ្ជើញចូលរួមជាគណៈអធិមតី ក្នុងពិធីប្រកាសសមាសភាពក្រុមសកម្មជនយុវជនគណបក្សប្រជាជនកម្ពជាថ្នាក់ភូមិ និងយុវជនថ្នាក់ឃុំ ឃុំជ្រៃឃ្មុំ ស្រុកស៊ីធរកណ្ដាល ខេត្តព្រៃវែង។
កិច្ចប្រជុំមានការចូលរួមពី ក្រុមការងារយុវជនបក្សស្រុក យុវជនបណ្ដាអង្គភាព ជុំវិញស្រុក ក្រុមការងារ យុវជន បក្សទូទាំងឃុំ ក្រោយពីស្ដាប់ការលើកឡើងនូវសកម្មភាពការងាររបស់ក្រុមការងារយុវជនដែល បានលើកឡើងនិងរាល់បញ្ហាក៏ដូចជាការងារប្រឈម តម្រូវការរួចមក នាឱកាសនោះលោក ស៊ាន ចិន្តា អនុប្រធានអចិន្ត្រៃយ៍ក្រុមការងារយុវជនគណបក្សស្រុកតំណាងឱ្យ លោក ម៉ននី បណ្ឌិត ប្រធានក្រុមការងារយុវជនគណបក្សស្រុក បានមានមតិសម្ដែងនូវការកោតសរសើរដល់ក្រុមការងារយុវជនតាមបណ្ដា អង្គភាពដែលបានចូលរួមបំពេញសកម្មភាពក្នុងភារកិច្ចបានល្អ ហើយទន្ទឹមនឹងសកម្មភាពផុសផុលនេះលោកប្រធានយុវជនស្រុកក៏បានស្នើ បន្ថែមដល់ក្រុមការងារយុវជនត្រូវបន្តការយកចិត្តទុកដាក់ពង្រឹង រចនាសម្ព័ន្ធ គ្រប់គ្រង សមាជិក ចូលរួមគ្រប់សកម្មភាពកិច្ចអភិវឌ្ឍន៍មូលដ្ឋាន វាយបកលើចំណុចរិះគន់របស់បក្សប្រឆាំង ភ្លាមៗ ជាងនេះទៅទៀតត្រូវប្រមូលអប់រំកម្លាំងសមាជិក ប្រជាពលរដ្ឋដោយសហការជាមួយ មេភូមិ មេឃុំ ដើម្បីឲ្យប្រជាពលរដ្ឋមានជំនឿចិត្តលើបក្សប្រជាជនយើង ហើយមានសកម្មភាពផែនការប្រជុំពង្រឹងជាប្រចាំ នៅមូលដ្ឋាន ចំណុចដែលដោះស្រាយមិនបានត្រូវស្នើឬរាយការណ៍មកថ្នាក់ស្រុកដើម្បី ដោះស្រាយបន្ត ៕
ចំនួនអ្នកទស្សនា
- ថ្ងៃនេះ6691
- ម្សិលមិញ4461
- សប្តាហ៍នេះ11161
- ខែនេះ33041
- ឆ្នាំនេះ33041
- សរុប20475497