​ព្រៃវែង​៖​អនុវត្តន៍​តាម​ការចាត់​តាំង​របស់លោក ម៉ន​នី បណ្ឌិត ប្រធាន​ក្រុមការងារ​យុវជន​គណបក្ស​ប្រជាជន​កម្ពុជា​ស្រុក​ស៊ីធរ​កណ្ដាល លោក ស៊ាន ចិន្ដា អនុប្រធាន​យុវជន​បក្ស​ស្រុក បាន​ដឹកនាំ​ក្រុមការងារ​យុវជន​ស្រុក យុវជន​គណបក្ស​ឃុំ យុវជន​គណបក្ស​ភូមិ ឃុំ​ជ្រៃ​ឃ្មុំ និង ឃុំ​ព្នៅ​ទី​២ ចុះសួរសុខទុក្ខ និង ជូន​ថវិកា ដល់​ចាសជរា​គ្មាន​ទីពឹង ចំនួន​២​នាក់ គឺ​ទី​១៖ លោកយាយ ស្រូ​យ លន់ អាយុ ៦៦ ឆ្នាំ នៅ​ភូមិ​ព្រៃ​ស្វា ឃុំ​ជ្រៃ​ឃ្មុំ ថវិកា ១១០,០០០​រៀល ទី​២៖ លោកយាយ ហ៊ុន ហ៊ុំ អាយុ ៨៧ ឆ្នាំ រស់នៅ​ភូមិ ស្គា​ស្រុក ឃុំ​ព្នៅ​ទី​២ ថវិកា ១៨៥,០០០​រៀល ដែលជា​ថវិកា​ទទួលបាន​ពី​សប្បុរសជន​នៅ​ភ្នំពេញ និង ការចូលរួម​របស់​ស​មា​ជិ​ក​ក្រុមការងារ​យុវជន​ស្រុក ក្រុម​សកម្មជន​យុវជន​គណបក្ស​ឃុំ ភូមិ ដែល​ពួកគាត់​មានការ​លះបង់​ខ្ពស់ ចំពោះ​កិច្ចការ​សង្គម មក​ចូលរួម​កិច្ចប្រជុំ គ្មាន​សោហ៊ុយ​ជូន​ហើយ ថែមទាំង​ចូលរួម​ជា​ថវិកា​ទៀត កម្លាំង​សទ្ធា​ទាំងនេះ ពិតជា​បាន​ជម្រុញ​ចិត្ត​ឱ្យ​រូបខ្ញុំ និង ថ្នាក់​នាំ​មាន​កម្លាំងចិត្ត​ក្នុងការ​បន្តសកម្មភាព​នាពេល​អនាគត​៕
​